278
ირანში ცნობილი რეჟისორი, მრავალი საერთაშორისო პრემიის ლაურეატი ჯაფარ პანახი დააკავეს. ის ასევე ოპოზიციურ საქმიანობასაც ეწეოდა. ირანის პროკურატურის ინფორმაციით, პანახი პროკურატურამ იმ დროს დააკავა, როდესაც ის სხვა საქმეზე ჩვენების მისაცემად მივიდა. ინფორმაციას „ეხო კავკაზა“ ავრცელებს.
პანახი მსოფლიოში ყველაზე ცნობილი ირანელი კინორეჟისორია. 1995 წელს მან კანის კინოფესტივალის პრიზი „ოქროს კამერა“ მიიღო, ორი წლის შემდეგ ლოკარმოს კინოფესტივალის ლაურეატი გახდა, 2000 წელს მიიღო ვენეციის კინოფესტივალის პრიზი „ოქროს ლომი“ და 2015 წელს ბერლინის კინოფესტივალის პრიზის მფლობელი გახდა. მისი ყველაზე ცნობილი ფილმებია „თეთრი სფერო“, „სარკე“, „წრე“ და „ტაქსი“.
კომენტარები