რაღაც ტრიუკია, იმიტომ,რომ ოცნებას მიწა ეცლება ფეხქვეშ და ძალიან ეშინიათ ხალხის – პაატა ბურჭულაძე “ოცნებიდან” ხუნდაძის, სუბარის და ყაველაშვილის წასვლაზე

ჩემი აზრით უნდა ველოდოთ,რომ იმ ხალხის დაშინებას დაიწყებენ,რომლებიც 3 ივლისის აქციაზე მიდიან.თემა იქნება ასეთი: ქართულ ოცნებას აქვს საიდუმლო ინფორმაცია, რომ თუ ხალხის მოთხოვნა არ შეიცვლება და არ შენელდება ომია მოსალოდნელი – ასე ეხმაურება მსოფლიო ბანი პაატა ბურჭულაძე “ქართული ოცნებიდან” დიმიტრი ხუნდაძის, სოზარ სუბარის და მიხეილ ყაველაშვილის წასვლას.

„პირველი,რაც ვიფიქრე იყო ის, რომ ოცნების ამ ტრიომ შეიგრძნო,რომ ის დედის გინება, რომელიც დეპუტატმა ყაველაშვილმა პარლამენტში გამოაცხადა მათ ეხებოდათ და გაემიჯნეს მას.???( უგრძვნიათ).

ხოლო თუ სერიოზულად, ჩემი აზრით უნდა ველოდოთ, რომ იმ ხალხის დაშინებას დაიწყებენ, რომლებიც 3 ივლისის აქციაზე მიდიან. თემა იქნება ასეთი: ქართულ ოცნებას აქვს საიდუმლო ინფორმაცია,რომ თუ ხალხის მოთხოვნა არ შეიცვლება და არ შენელდება ომია მოსალოდნელი. ამ სამ დეპუტატს კი არ შეუძლია, რომ ეს დაუმალოს საზოგადოებას. იმიტომ, რომ პატრიოტები არიან.
დაველოდოთ,შეიძლება ვცდები.

თუმცა ერთი რამ 100 პროცენტიანია: რაღაც ტრიუკია, იმიტომ,რომ ოცნებას მიწა ეცლება ფეხქვეშ და ძალიან ეშინიათ ხალხის.“

28 ივნისს, “ქართული ოცნების” საპარლამენტო უმრავლესობის სხდომის შემდეგ გახდა ცნობილი, რომ სოზარ სუბარი, მიხეილ ყაველაშვილი და დიმიტრი ხუნდაძე პარტია „ქართულ ოცნებას“ ტოვებენ.