წყნეთის დამაკავშირებელ მაგისტრალზე მომხდარი მკვლელობის შესახებ ახალი დეტალებია ცნობილი, ლევან კაჭარავას, რომელსაც “ტილიკას” სახელით იცნობდნენ, ოცამდე ტყვია ესროლეს . მას ჩასაფრება სავარაუდოდ დაქირავებულმა ქილერმა მოუწყო.
ბიზნესმენი ლევან კაჭარავა 53 წლის გახლდათ. მან წლების წინ, გიორგი რამიშვილთან ერთად დააფუძნა „Silk Road Group“, რომლის სამეთვალყურეო საბჭოს წევრიც იყო. გარდა ამისა, კაჭარავას სახელი უკავშირდება ნიდერლანდებში დაფუძნებულ კომპანია „მულტიპლექსს“, რომელიც თავის მხრივ არაერთ ბიზნესს ფლობს.
ასევე, ლევან კაჭარავა საქართველოში ფლობს თანამედროვე ტიპის ფიტნეს ქსელს და ასევე მისი კომპანიები მონაიწლებდნენ სხვადასხვა პროექტებში.
მომხდარზე გამოძიება სისხლის სამართლის კოდექსის 108-ე (განზრახ მკვლელობა) და 236-ე მუხლით (ცეცხლსასროლი იარაღის უკანონო შენახვა-ტარება) მიმდინარეობს.
მკვლელობის ადგილი ყვითელი ლენტითაა შემოსაზღვრული. ადგილზე პოლიცია მუშაობს.
კომენტარები