ლეგენდარული არგენტინელი ფეხბურთელის, დიეგო მარადონას ექიმები სასამართლოს წინაშე წარდგებიან – მათ ბრალად ედებათ გაუფრთხილებლობით სიცოცხლის მოსპობა.
სასამართლო სხდომის გამართვის თარიღი ჯერჯერობით უცნობია. გამოძიების მტკიცებით, პაციენტი ნაადრევად გაწერეს საავადმყოფოდან, მისმა ექიმებმა კი სათანადო მოვლა ვერ უზრუნველყვეს.
ბრალდებულებს შორისაა მარადონას პირადი ექიმი, ნეიროქირურგი ლეოპოლდო ლუკე, ფსიქიატრი აგუსტინა კოსაჩოვ, ფსიქოლოგი კარლოს დიასი, მედდები და სანიტრები. არცერთი მათგანი საკუთარ ბრალს არ აღიარებს. ბრალის დამტკიცების შემთხვევაში მათ 8-დან 25 წლამდე პატიმრობა ემუქრებათ.
მარადონა 2020 წლის ნოემბერში 60 წლისა გარდაიცვალა. ოფიციალურ მიზეზად გულსისხლძარღვთა სისტემის მუშაობის დარღვევა დასახელდა.
კომენტარები