ანი დვალიშვილი
სანამ ევროკავშირი გადამწყვეტ სიტყვას იტყვის და საბოლოოდ გავიგებთ, გვაძლევენ თუ არა კანდიდატის სტატუსს, პარადოქსია, მაგრამ რუსეთისთვის საქართველო ბევრად საინტერესო ქვეყანა გახდა, ვიდრე ეს გუშინ ან გუშინწინ იყო. საქმე ის გახლავთ, რომ ლიეტუვამ ერთადერთი გზა გადაუკეტა რუსეთს და ახლა რუსეთისთვის ევროპაზე გასასვლელი საქართველოზე გადის. დიახ, ლიეტუვამ კალინინგრადისკენ გასასვლელი ჩაკეტა, რითაც რუსეთს აღარ შეუძლია ტვირთები ევროპაში გაიტანოს.
ლიეტუვას მიერ გადადგმულმა ნაბიჯმა საქართველო უცნაურ დღეში ჩააგდო. ქვეყანა არ უერთდება სანქციებს, მაგრამ ეს არ ნიშნავს, რომ რუსულ ტვირთებს გაატარებს. არადა, რუსეთს სხვა გზა არ აქვს, ტვირთი, რომლის რაოდენობა ისედაც შეზღუდულია, ევროპაში სწორედ საქართველოს გავლით უნდა შევიდეს. ლიეტუვას რუსეთი არაფერს ეტყვის, რადგან ნატოს წევრმა ქვეყნებმა უკვე დაიწყეს საუბარი ნატოს მე-5 მუხლის გააქტიურებაზე, რომელიც ორმხრივ თავდაცვას ნიშნავს, ანუ რუსეთი თუ ლიეტუვას დაემუქრება, საქმეში უკვე ნატო, როგორც სამხედრო ალიანსი, ისე ჩაერევა.
რუსეთის საგარეო საქმეთა სამინისტრომ პროტესტი გამოთქვა მეხუთე პუნქტის ხსენებასთან დაკავშირებით, უკვე გამოთქვა პროტესტი, თუმცა საეჭვოა, ამ პროტესტით რამე შეიცვალოს. როგორც ექსპერტები ამბობენ, ეს ნაბიჯი ლიეტუვას დასავლეთმა გადაადგმევინა…
„შესაძლოა, ძალიან ხმამაღალ ნათქვამად მოგეჩვენოთ, მაგრამ ახლა საქართველოს მიმართ რუსეთის ინტერესი დამოუკიდებლობის მოპოვების შემდეგ, ყველაზე დიდია. ამიტომ, რუსეთი აუცილებლად დააკვირდება საქართველოს ხელისუფლების ყველა მოქმედებას და რაც მთავარია, ის წამოვა ბევრ რამეზე, რათა ევროპაში გასასვლელი გზა სწორედ საქართველოზე ჰქონდეს. მთავრობა ამ შანსს ალბათ გამოიყენებს, თუმცა რამდენად მოეწონება ეს ქართველ ხალხს და დასავლეთს, სხვა საკითხია“, – ეს სიტყვები „ალიას“ რუსეთში მცხოვრებმა მეგობარმა უთხრა, რომელიც რუსი პოლიტიკისგან შორს ნამდვილად არ დგას.
ახლა ალბათ აღარ იქნება გასაკვირი ბევრისთვის, პრემიერის არც დღევანდელი ბრექა პარლამენტში და არც ბევრი სხვა განცხადება, რომელიც, საუბედუროდ, ევროპის გაღიზიანებას უფრო გამოიწვევს, ვიდრე, დაფიქრებას, ხომ არ მივცეთ საქართველოს შანსიო…
კომენტარები