კიევში დააკავეს ჯაშუშები, რომლებიც მთავრობაში მუშაობდნენ და რუსულ მხარეს სადაზვერვო ინფორმაციას გადასცემდნენ.
უკრაინის უშიშროების სამსახურის ინფორმაციით, ეს პირები რუსეთის ჯაშუშურ ქსელში შედიან. დაკავებულთა სახელები არ საჯაროვდება. ერთ-ერთი მათგანი მინისტრთა კაბინეტის სამდივნოში მუშაობდა, ხოლო მეორე სავაჭრო-სამრეწველო პალატის ერთ-ერთი დეპარტამენტის ხელმძღვანელი იყო.
უკრაინის უშიშროების განცხადებაში აღნიშნულია, რომ ჯაშუშების გასანეიტრალებლად მრავალეტაპიანი სპეცოპერაცია ჩატარდა. დაკავებულებმა აღიარეს, რომ რუსეთს გადასცემდნენ ინფორმაციას უკრაინის თავდაცვისუნარიანობის, ასევე სახელმწიფო საზღვრის გამაგრებისა და უკრაინელი ძალოვნების შესახებ პერსონალურ ინფორმაციას. ამისთვის მათ ფულადი გასამრჯელო – 33 ათასი და 27 ათასი დოლარის ოდენობით მიიღეს.
ერთ-ერთმა დაკავებულმა აღიარა, რომ რუსულ სპეცსამსახურებთან 2019 წლიდან თანამშრომლობდა.
კომენტარები