თეოლოგი გოჩა ბარნოვი ფეისბუქის პირად გვერდზე წერს:
„არ მინდა ეს პოსტი ევროპისა და ამერიკის საწინააღმდეგოდ იქნეს აღქმული, მაგრამ უნდა ვთქვა: ბოლო ათწლეულებში, და განსაკუთრებით 2004-2012 წლებში, საქართველოს ძალისხმევა არ დაუკლია იმისათვის, რომ ევროპული ოჯახის წევრი გამხდარიყო. რეფორმები, რომელიც ამ პერიოდში იქნა გატარებული სააკაშვილის ხელისუფლების დროს, არც დაესიზმრებოდათ ბალტიისპირელებს ნატოსა და ევროკავშირში შესვლის წინ. ამას თავადაც ხაზგასმით აღნიშნავდნენ. აშშ-ს ავღანურ მისსიაში საქართველოს მხოლოდ აშშ-სა და ბრიტანეთზე ნაკლები სამხედრო კონტინგენტი ყავდა წარმოდგენილი. საქართველო თავისი ჯარისკაცების რაოდენობით თვით ნატოს წევრი ქვეყნების სამხედროთა რაოდენობასაც დიდად აღემატებოდა. ჩვენი ევროპული არჩევანის გამო ბევრჯერ დავისაჯეთ რუსებისაგან. დღეს ჩვენი ტერიტორიის 20% ოკუპირებულია რუსეთის მიერ და რუსის ჯარი თბილისიდან სულ რაღაც 20 კმ-ში დგას. ზოგისაათვის ეს შეიძლება სულაც არაა ბევრი, მაგრამ მრავალტანჯული ქართველი ერისათვის, რომელსაც უამრავი ომი გადაუტანია და ხშირად იგივე დასავლეთი საოცნებოდ იხდიდა ქართველი მეფეების შეუპოვარ ბრძოლას აღმოსავლელ დამპყრობლებთან, ძალიან ბევრია.
დღეს, ჩვენთვის ალბათ ყველაზე კრიტიკულ მომენტში, როდესაც ყველაზე მეტად გვჭირდება სწორედ ამ ევროპისა და ამერიკის თანადგომა, გვეუბნებიან, რომ საქართველოს ევროპულ ოჯახში მისაღებად, აუცილებელია დეოლოგარქიზაცია. მაგრამ განა ამას არ ვამბობთ ბოლო წლებია, რომ საქართველოს ოლიგარქი მართავს, რომელსაც მიტაცებული აქვს ძალაუფლების ყველა სფერო და ვითხოვთ ევროპისაგან დახმარებას მისი ხელისუფლებიდან მოშორებისათვის. ბოლო – 2020 და 2021 – არჩევნები ხომ აშკარად მიტაცებული არჩევნებია, რასაც, ხალხის აბსოლუტური ნიჰილიზმი მოყვა. ევროპიდან კომისია კომისიაზე იგზავნებოდა, რითაც, ნაცვლად ქართველი ხალხის მხარდაჭერისა, ბიძინას მიტაცებული არჩევნების “გაპრავება” ხდებოდა. ყველაფერს აკეთებდნენ იმისათვის, რომ ბიძინასათვის დისკომფორტი არ შეექმნათ, რისი მიზეზიც ბიძინას რუსეთთან არგაღიზიანების პოლიტიკა იყო. ეს არის ფაქტი, და ამას ვერავინ უარყოფს.
ამიტომ, სადაა გარანტია, რომ მომდევნო არჩევნებზე, როდესაც ივანიშვილი ისევ მოიპარავს ხმებს და მიიტაცებს ძალაუფლებას, არ მოხდება ქართველი ერის ამ შეურაცხმყოფელი ფაქტის გაპრავება ევროპელი კომისრებისაგან.“
კომენტარები