“უკრაინის ევროკავშირში გაწევრიანების წინააღმდეგი არ ვიქნებით” – პუტინი

რუსეთის პრეზიდენტმა ვლადიმერ პუტინმა სანკტ-პეტერბურგის საერთაშორისო ეკონომიკური ფორუმის ფარგლებში განაცხადა.

„რუსეთი არ იქნება წინააღმდეგი, თუ უკრაინა ევროკავშირის წევრი გახდება. ნატოსგან განსხვავებით, ევროკავშირი არაა სამხედრო ორგანიზაცია ან პოლიტიკური კავშირი. ამიტომ ჩვენ ყოველთვის ვამბობდით და ჩვენი პოზიცია თანმიმდევრულია – არაფერი გვაქვს ამის საწინააღმდეგო. ეს არის ნებისმიერი ქვეყნის სუვერენული გადაწყვეტილება – გაწევრიანდეს თუ არა ეკონომიკურ გაერთიანებებში, ისევე როგორც ამ ეკონომიკური კავშირის გადასაწყვეტია, მიიღოს თუ არა თავის რიგებში ახალი წევრები“

წყარო – იმედინიუსი