“ხელისუფლებამ უფრო გააფუჭა და გააფუჭა მიზანმიმართულადაც” – გამზარდია

ჟურნალისტი, არჩილ გამზარდია:

“ხელისუფლებას რამის გაკეთებაც კი იმდენად არ ევალებოდა, როგორც კიდევ უფრო მეტად არ გაფუჭება.

ხელისუფლებამ კი უფრო გააფუჭა და გააფუჭა მიზანმიმართულადაც.

არსებული სტატუს-კვო სასურველია “ქართული ოცნებისათვის”, მაგრამ არაა სასურველი სახელმწიფოსათვის.

მადლობა ევროპას, რომ ხელს ბოლომდე მაინც არ გვკრავს და “საშემოდგომოდ” გამოყოლილი გამოცდასავით თეორიულ შანსს გვიტოვებს.

თუმცა, ამ პროცესში ყველაზე საშიში მაინც მაკრონისეული მიდგომაა, სადაც გეოპოლიტიკური ფაქტორის მომიზეზებით თეორიული პერსპექტივაც შეიძლება დაიკარგოს.

ძალიან, ძალიან ბევრია სამუშაო, რომლის სურვილიც და ნებაც ხელისუფლებას არ გააჩნია, აღარც ვახსენებ უნარებს.

მოცემული ხელისუფლების პირობებში ეს შეუძლებელია, მაგრამ არსებული პოლიტიკური ოპოზიციის პირობებში ხელისუფლების პროგრესული ცვლის პერსპექტივაც სუსტად მოჩანს.

ყველაფერი გადასახედი გვაქვს – ჩვენი მენტალური მდგომარეობაც, მედიის შინაარსი და მდგენელები, ოპოზიციური პარტიების მუშაობაც, ძალიან ბევრია სამუშაო იმაზეც, რომ ჯერ ჩვენ შევდგეთ და მერე იმაზეც რომ ხელისუფლება პროგრესულად შევცვალოთ.

ყველა ჩვენი სისუსტე განცხადდა მოკავშირეებისათვის, მაგრამ არ არის გაცნობიერებული საკმარისად ჩვენს მიერ.

მზად ვართ ჩვენივე შინაარსის გაჯობესებისათვის? – არ ვიცი.”