დღეს საქართველოს ევროპული მომავლისთვის მნიშვნელოვანი დღეა. რამდენიმე საათში ევროკომისია იტყვის, იმსახურებენ თუ არა საქართველო, უკრაინა და მოლდოვა ევროკავშირის წევრი ქვეყნის კანდიდატის სტატუსს. საქართველოს, უკრაინისა და მოლდოვას განაცხადებთან დაკავშირებით თვითშეფასების დოკუმენტებზე საპასუხო მოსაზრებებს ევროკომისია დღეს დაამტკიცებს. ევროკომისია წარადგენს ანალიტიკურ ანგარიშებს, თუ რამდენად აკმაყოფილებენ ტრიოს ქვეყნები კანდიდატის სტატუსის მისაღებად საჭირო მოთხოვნებს. ამ თემასთან დაკავშირებით ევროკომისიაში უკვე დაიგეგმა ევროკომისიის პრეზიდენტის ურსულა ვან დერ ლაიენის და ევროკომისარ ვარჰელის პრესკონფერენცია. ევროკავშირის წევრობის კანდიდატის სტატუსის საქართველოსთვის მინიჭებაზე კი, ბრიუსელში 24 ივნისს გახდება ცნობილი.
კომენტარები