დღეიდან საქართველოში საყოველთაო კარანტინი ამოქმედდა. ამის შესახებ გუშინ პრემიერ-მინისტრმა უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
საქართველოს მთავრობის გადაწყვეტილებით, საკარანტინო რეჟიმის ფარგლებში იმოქმედებს შემდეგი შეზღუდვები:
- იკრძალება საზოგადოებრივი ტრანსპორტით, მათ შორის მეტროთი გადაადგილება
- დასაშვებია მსუბუქი ავტომობილითა და ტაქსით მგზავრობა
(ავტომობილში უნდა იყოს მხოლოდ 3 ადამიანი, ორი ადამიანი აუცილებლად უკანა სავარძელზე)
- იკრძალება 3-ზე მეტი პირის შეკრება, გარდა მაღაზიებსა და აფთიაქებში
- იკრძალება 70 წელს ზემოთ მოქალაქეების სახლიდან გასვლა
(დასაშვებია მხოლოდ უახლოეს აფთიაქში, მაღაზიაში ან საავადმყოფოში გასვლის შემთხვევა)
- საგანგებო მდგომარეობის ვადით, იკრძალება 21:00 საათიდან დილის 06:00 საათამდე გადაადგილება ანუ ცხადდება კომენდანტის საათი.
- მოეწყობა საკონტროლო პუნქტები: თბილისში, ბათუმში, ზუგდიდში, რუსთავში, ფოთში, ქუთაისში და გორში
- ნებისმიერ დროს, ქალაქში გადაადგილებისას პირმა უნდა იქონის პირადობის დამადატურებელი საბუთი.
ბოლო მონაცემებით, საქართველოში კორონავირუსის 103 შემთხვევა დადასტურდა. გამოჯანმრთელებულია – 20 პაციენტი.
კომენტარები