24 რიცხვამდე თქვენ თუ მოშორდებით ეკრანებს, იქნებ წარმატების მეტი შანსი გვქონდეს – მდინარაძე ხაბეიშვილს ს

ფრაქცია “ქართული ოცნების” თავმჯდომარემ მამუკა მდინარაძემ „ნაციონალური მოძრაობის“ დეპუტატ ლევან ხაბეიშვილს, რომელმაც მმართველი გუნდის დეპუტატებს თხოვნით მიმართა, რომ 24 ივნისამდე ირაკლი ზარქუა „ტელეეკრანებიდან მოეშორებინათ“  შემდეგნაირად უპასუხა :

“არ იქნება ჩვენი ქვეყნისთვის ცუდი 24-მდე თუ ყველანი მოშორდებით ეკრანებს, ევროპელებს, თქვენს ლობისტებს და იქნებ წარმატების მეტი შანსი გვქონდეს. იქნებ ხელი აიღოთ თქვენს გეგმებზე, რასაც აპირებთ.

მისივე თქმით, წარმოუდგენელია როდესაც „ნაციონალური მოძრაობის“ წარმომადგენლები მათ მოსმენებზე, ან ადამიანის უფლებებზე ლანძღავენ.

,,წარმოუდგენელია როდესაც „ნაციონალური მოძრაობის“ წარმომადგენლები მიგვითითებენ და გვლანძღავენ მოსმენებზე, ან ადამიანის უფლებებზე. „ნაცმოძრაობა“, მოსმენებზე, ჩვენ – წარმოგიდგენიათ? კომპლექსი უნდათ შეგვძინონ, რატომ უკრავთ ტაშს მთავრობის წარმომადგენლებსო, თუ მომეწონება ნათქვამი სიტყვა თუ გაკეთებული საქმე, ნამდვილად არ შეგეკითხებით ტაშს დავუკრავ, თუ კვერს დავუკრავ გაკეთებულ საქმეზე. შალვა პაპუაშვილი იმდენად სწორად და კარგად შემოვიდა პოლიტიკაში, რომ არ შეიძლება არ აღვნიშნოთ მისი დასმული სწორი აქცენტები, მინდა მას წარმატება ვუსურვო, ვინაიდან ის იმსახურებს, რომ წარმატებული იყოს. ის სწორი ხედვები რომელიც მას გააჩნია საქართველოს პარლამენტის გაძლიერებას გამოადგება. პოზიტიურად უპრეცედენტოა ის ამბავი, რომ სტატისტიკური თვალსაზრისით საპარლამენტო ინიციატივებმა რაოდენობრივად გაასწრო სამთავრობო ინიციატივას. 200-ზე მეტი საპარლამენტო ინიციატივაა შემოსული და 132 სამთავრობო ინიციატივაა“.