“რუსეთის ურჩ გუბერნატორებს პირადად კადიროვი გასწავლით ჭკუას“ – რატომ ემუქრება სოლოვიოვი რუსეთის გუბერნატორებს?

რუსეთში დიდი აჟიოტაჟი გამოიწვია სვერდლოვსკის რეგიონში ერთ-ერთი საჯარო სკოლის მოსწავლეების ცეკვამ, რადგან მოზარდების ცეკვა ლგბტ თემის პროპაგანდად აღიქვეს და სკოლის დირექტორის გათავისუფლება მოითხოვეს. სკოლის დირექტორს მხარდაჭერა გამოუცხადა ოლქის გუბერნატორმა, ევგენი კუიაშევმა. „მოსწავლეთა მშობლებმა მათ საქციელში ვერაფერი საშინელი ვერ დაინახეს. მე მათ უფრო მეტად ვენდობი, ვიდრე ტელეწამყვან სოლოვიოვს, რომელსაც კიდევ ერთხელ არ მოეწონა რაღაც ჩვენს ქალაქში. ”- თქვა ევგენი კუვაშევმა.

მოსწავლეების ცეკვას, რომელიც დღეს ყველა არხიდან წაშლილია,  ვლადიმერ სოლოვიოვი გამოეხმაურა და ინიციატივით გამოვიდა, პუტინის რეჟიმის ყველა ურჩი გუბერნატორი საგანგებოდ დაისაჯოს და და ამისათვის რამზან კადიროვი გამოიყენონ: „გაფრთხილებთ ყველა ურჩ გუბერნატორს, პირადად რამზან კადიროვი გასწავლით ჭკუას“ – ამბობს სოლოვიოვი.

გარდა ამისა, ტელეწამყვანი აღშფოთებული იყო იმით, რომ გუბერნატორს არასოდეს გამოუთქვამს თავისი პოზიცია უკრაინაში სამხედრო სპეცოპერაციის შესახებ, რომლის გაკეთებაც ვლადიმერ სოლოვიოვმა არაერთხელ სთხოვა მას პირდაპირ ეთერში, მაგრამ იპოვა დრო სკოლის მოსწავლეების გვერდით დასადგომად.

“ვერ იპოვა საშუალება ეთქვა, რას გრძნობს, როცა 600-ი სტუდენტი ითხოვს საგანმანათლებლო დაწესებულებიდან ასო „Z“-ის ამოღებას, ვერ იპოვა ძალა ეპასუხა, მხარს უჭერდა თუ არა პრეზიდენტის პოლიტიკას. ერთ საავადმყოფოში მაინც იყო, დაჭრილს ელაპარაკებოდა? წავიდა დონბასში? არა.” – თქვა სოლოვიოვმა.

ვიდეო, სადაც ჩანს ცეკვა, რომელიც შესრულდა სასკოლო კონცერტზე, სახელად “გალაქტიკა”.