თბილისის მერის მოადგილე, ილია ელოშვილმა სიცოცხლე თვითმკვლელობით დაასრულა, მიზეზები ჯერჯერობით უცნობია.
ცნობილია მხოლოდ ის ფაქტი, რომ მას გარდაცვალებამდე არანაირი წერილი არ დაუტოვებია. ელოშვილი გარდაცვლილი საკუთარ სახლში, ცინცაძის ქუჩაზე იპოვეს. CNews-ის ინფორმაციით, ელოშვილმა თავი საკუთარ მფლობელობაში არსებული ცეცხლსასროლი იარაღით მოიკლა.
შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
ადგილზე სამართალდამცავები მუშაობენ.
ილია ელოშვილი 47 წლის იყო, მას მეუღლე და ორი შვილი დარჩა. ელოშვილი თბილისის მერის მოადგილის თანამდებობას 2021 წლიდან იკავებდა.
კომენტარები