ჰონგ-კონგის უნივერსიტეტის მეცნიერებმა ტემპერატურის მაჩვენებელი დაადგინეს, რომლის პირობებშიც კორონავირუსი ყველაზე მეტად და ყველაზე ნაკლებად აქტიურია.
მეცნიერების დასკვნით, ახალი კორონავირუსი ყველაზე აქტიურია დაახლოებით +4 ცელსიუს ტემპერატურაზე, ხოლო დეზინფექციის არარსებობის შემთხვევაში მხოლოდ 14 დღის შემდეგ მცირდება მისი აქტიურობა.
ამავდროულად ახალი კორონავირუსი ძალიან მგრძნობიარეა +70 ცელსიუს ტემპერატურაზე და ხუთი წუთის განმავლობაში კვდება. +56 ცელსიუს ტემპერატურაზე ახალი კორონავირუსი აქტიური იყო 30 წუთამდე პერიოდის განმავლობაში, +37 ცელსიუს ტემპერატურაზე ორ დღემდე პერიოდის განმავლობაში, ხოლო +22 ცელსიუს ტემპერატურაზე კი დაახლოებით ერთი კვირის განმავლობაში.
ეს დასკვა ნიშნავს იმას, რომ ზაფხულშიც კი, + 37 გრადუსი სიცხის პირობებშიც კი, ვირუსი ორი დღის მანძილზე ცოცხლობს, რაც ნამდვილად ნაკლებია 14 დღეზე, მაგრამ დიდი შეღავათი სულაც არ არის. შესაბამისად, მხოლოდ ვაქცინის და წამლის იმედიღა დარჩა.
კომენტარები