reuters-ის ცნობით, სერგეი ლავროვი 8 ივნისს თურქეთში ჩავა. გამოცემა ინფორმაციას თურქეთის საგარეო საქმეთა მინისტრის, მევლუთ ჩავუშოღლუს სიტყვებზე დაყრდნობით ავრცელებს. რუსეთისა და თურქეთის საგარეო საქმეთა მინისტრები უკრაინიდან სასურსათო პროდუქციის ექსპორტისა და საზღვაო დერეფნის შექმნის საკითხებზე ისაუბრებენ.
30 მაისს თურქეთის პრეზიდენტ რეჯეფ თაიფ ერდოღანთან სატელეფონო საუბრის შემდეგ, რუსეთის პრეზიდენტმა, ვლადიმირ პუტინმა თქვა, რომ ქვეყანა მზად არის, თურქეთთან კოორდინაციით, უკრაინის პორტებიდან მარცვლეულის შეუფერხებელ ექსპორტს ხელი შეუწყოს.
თურქეთის საგარეო საქმეთა მინისტრი ამბობს, რომ გაერომ ქვეყნებს გემების მარშრუტის მონიტორინგისთვის ერთობლივი სადამკვირვებლო მექანიზმის შექმნა შესთავაზა და დასძენს, რომ თურქეთი ამ იდეის მიმართ ღიაა.
კომენტარები