სად იშოვა ივანიშვილმა თავისი კაპიტალის უდიდესი ნაწილი და აფინანსებდა თუ არა, რუსეთში ყოფნისას ფსბ-ს? – ლელა ჯეჯელავა

1. რამ განაპირობა , რომ 2008 წლის შემდეგ საქართველო, რომლის ტერიტორიის 20% რუსეთს აქვს ოკუპირებული, აღარ არის რუსეთის არამეგობარი ქვეყნების ჩამონათვალში?

2 რატომ არის ქართული ოცნების ხელისუფლება რუსეთის ხელისუფლებისა და პროპაგანდისტების საყოველთაო შექების ობიექტი. ვიცი, სავარაუდო პასუხი იქნება, რომ რუსეთსა ხელისუფლება ამ გზით ებრძვის ქართულ ოცნებას, რომელმაც მეორე ფრონტი არ გახსნა საქართველოში. კარგი იქნება, რომ შემხვედრ კითხვებზეც მივიღოთ პასუხები;

3. რატომ არ ებრძვის იგივე მეთოდებით სხვა ქვეყნების ხელისუფლებებს, მაგალითად ფინეთსა და შვედეთს , რომელთაც ნატოში გაწევრიანების გადაწყვეტილებით პრაქტიკულად გაუხსნეს მეორე ფრონტი რუსეთს.

4 . რატომ არ აქებენ აზერბაიჯანის ხელისუფლებას, რომელიც მიუხედავად რუსეთთან გაფორმებული სამოკავშირეო ხელშეკრულებისა, თანმიმდევრულ ნაბიჯებს დგამს საკუთარი ტერიტორიული მთლიანობის აღსადგენად და უკრაინის მხარდასაჭერად?

5 რატომ წაიყარა საქართველოს მთელმა ხელისუფლებამ ნაცარი თავზე კერძო მედია კომპანიის ერთერთი ჟურნალისტის მიერ პუტინის შეურაცხყოფის გამო და რატომ იხდნინენ შუა ღამისას ბოდიშებს ერთმანეთის მიყოლებით და რატომ არ ხდება იგივე, როდესაც სახელისუფლო არხები ყოველდღიურად შეურაცხყოფენ რუსეთთან ომში მყოფი უკრაინის ხელისუფლებას?

6. ვის ეკუთვნის განცხადებები” ა) ომი უკრაინაშია, ჩვენ ჩვენი საქმე გვაქვს? ბ) სანქციები არ მუშაობს; გ) ამ ომის ბედი გადაწყვეტილია; დ) ჩვენ სანქციებს არ შევუერთდებით?

7 სად იშოვა ბიძინა ივანიშვილმა თავისი (თუ თავისია) კაპიტალის უდიდესი ნაწილი და რუსეთის რეალობიდან გამომდინარე შესაძლებელი იყო თუ არა ამ კაპიტალის დაგროვება რუსეთის ხელისუფლების ” კეთილი ნების” გარეშე?

8, თუ აბრამოვიჩი, ევტუშენკოვი, ფრიდმანი, დერიპასკა, უსმანოვი და სხვები არიან რუსი ოლიგარქები რა განსხვავებაა მათსა და ივანიშვილს შორის?

9 აფინანსებდა თუ არა, რუსეთში მყოფი ივანიშვილი ა)ფსბ-ს, ბ) გენერალ ლებედის საარჩევნო კამპანიას და ნიშნავს ეს თუ არა, რომ ის და მისი კაპიტალი არ იყო თავისუფალი რუსეთის შესაბამისი უწყებებისაგან?

10. რამ განაპირობა, რომ 2022წლის აპრილის თვეში, უკრაინის ომის დაწყებიდან 2 თვის თავზე, საქართველოდან რუსეთში ექსპორტმა თითქმის 175% ით მოიმატა? გაიზარდა თუ არა, საქრთველოში პროდუქციის წარმოება შესაბამისი თანაფარდობით?

11. გავიგე, რომ უკრაინას აწყობდა საქართველოში მეორე ფრონტის გახსნა, მაგრამ აწყობდა თუ არა უკრაინის ფრონტზე ისედაც რთულ მდგომარეობაში მყოფ რუსეთს სხვა მიმართულებაზე ფრონტი? ცხადია, არა. მაშასადამე ვის ინტერესებში შედის პირველ რიგში ლოზუნგი ” ომი გინდათ?” რუსეთის – რომლისთვისაც ნებისმიერი ახალი ფრონტი სამხედრო, პოლიტიკური თუ დიპლომატიური მიმართულებით არის მისი წელში საბოოლოდ გადატეხვის ტოლფასი.

უკვე წერა მეზარება. დანარჩენს ალბათ მიმართვის ადრესატები დაამატებენ და უფრო მეტად შეიწუხებენ თავს, ვიდრე ეს ჩემი ექსპრომტად შექმნილი ჩამონათვალია.”