ასოცირებული პროფესორი, ბექა კობახიძე, ავრცელებს ლინკს და წერს:
“ხუთ მილიონიან ფინეთს ყავს მინიმუმ არანაკლებ ძლიერი არმია, ვიდრე 40 მილიონიან უკრაინას. 208 ათასი კარგად გაწვრთნილი ჯარისკაცი/რეზერვისტი და უკეთესი შეიარაღება, ვიდრე ომამდე ჰქონდა უკრაინას.
კითხვაზე “მზად ხართ თუ არა იომოთ ქვეყნის დასაცავად”, ორივე სქესის ფინელთა 75% დადებით პასუხს სცემს, რაც ევროკავშირში არის ყველაზე მაღალი მაჩვენებელი.
ფინელთა ასეთი მზაობა იყო იმის ერთადერთი მიზეზი, რომ სტალინმა ეს ქვეყანა სსრკ-ის მეთექვსმეტე რესპუბლიკად არ აქცია.
ახლა ფინეთი ნატოს წევრი ქვეყანა ხდება და ნატოც ორი ხელით მიიღებს მას. ამის მთავარი მიზეზი არის ის, რომ ფინეთის თავდაცვა თვითკმარია, ის არავის დააწვება კისერზე პარაზიტად. ფინეთის წევრობა მხოლოდ აძლიერებს ნატოს აღმოსავლეთ ფლანგს და არაფრით ასუსტებს.
რა ხდება ჩვენში:
– ქვეყნის მთავარსარდალი განმეორებითად ამბობს, რომ ჯარი არ გვყავს და არც გვეყოლება. რუსეთს ომს ვერასდროს მოვუგებთ;
– ყანწით პატრიოტი საზოგადოება სადღეგრძელოებში განადიდებს დავით აღმაშენებლის სამხედრო მიღწევებს, ამაყობს რომ ფინეთის ასაკის მუხა უდგას ეზოში, მაგრამ ოღონდ ომი არ დაიწყოს და მზადაა ყველა სოროში შეძვრეს, ირაკლი კობახიძის ყველა ბოდვას დაუჯეროს;
– 2007 წელთან შედარებით, სამჯერ შევამცირეთ სამხედრო ბიუჯეტი, კანონით განსაზღვრულზე ორჯერ ნაკლებია სამხედრო მოსამსახურეთა რეალური ოდენობა, რეალურად არ გვაქვს რეზერვის სისტემა.
ხვალ რომ ომი დაიწყოს, იარაღით ხელში ქვეყნის დასაცავად მზად გვეყოლება (რეზერვიანად) იმაზე ათჯერ ნაკლები ცოცხალი ძალა, ვიდრე ფინეთს. შეიარაღებაზე აღარც ვსაუბრობ.
ჩემი ქვეყანა რომ არ იყოს და გარედან ვუყურებდე ამ უმსგავსობას, ვიტყოდი რომ ასეთ ქვეყანაში კი უნდა შეიჭრას პუტინი, ღირსები არიან-მეთქი.
“შემოხაზეთ 41”, “გააგრძელეთ საქართველოს ისტორია”, “იგრიალე ოქრო, აღმოსავლეთის ლუქსემბურგში”.
კომენტარები