“ძალიან მძიმე დღეშია საწყალი სააკაშვილი” – სოზარ სუბარი

ქართული ოცნების დეპუტატი სოზარ სუბარი მიხეილ სააკაშვილის ოჯახის მოთხოვნას ეხმაურება და ამბობს :

“ძალიან მძიმე დღეშია საწყალი სააკაშვილი, თუკი აღარავინ დარჩა გულშემატკივარი ოჯახის წევრების გარდა. კაცი გამოდის სასამართლო პროცესებზე და კატეგორიულად ითხოვს, რომ 200 000 კაცი უნდა დადგეს ქუჩაში. მისი პარტიის წევრები გამოდიან და ხელს იშვერენ უცხოეთისკენ, რომ უცხოეთმა რამე თუ არ გვიშველა, ჩვენ არაფრის გამკეთებლები არ ვართო. ამ ფონზე საბოლოოდ გიული ალასანიას იმედად დარჩა და კიდევ, თაკო ჩარკვიანი ყვირის. არ მგონია, მათ სააკაშვილს რამე უშველონ.”