„ჯორჯიან უოთერ ენდ ფაუერი“ სპეციალურ განცხადებას აქვეყნებს, რომლის მიხედვითაც, დღეს, 1-ელ მაისს, ღრმაღელეს წყალგამტარი გვირაბის მიმდებარედ, წყალსადენის ქსელი ავარიულად დაზიანდა. კომპანიის ცნობით, წყალგამტარი გვირაბის მიმდებარედ ქსელზე დაზიანებები მთელი ღამის განმავლობაში ძლიერმა წვიმამ და უხვამა ნალექმა გამოიწვია.
ადგილზე მობილიზებულია კომპანიის ტექნიკური ჯგუფები და გადაუდებელი აღდგენითი სამუშაოები მიმდინარეობს.
აღნიშნულთან დაკავშირებით, აუცილებელია წყალმომარაგების ქსელის წყლისგან დაცლა, რის გამოც დღეს, 1-ლი მაისის დღის 12:00 საათიდან ხვალ, 2 მაისის დღის 12:00 საათამდე წყალმომარაგება შეზღუდული ექნება:
ჩუღურეთის რაიონში – სამშვილდის, მარუაშვილის, სამურზაყანოს, ჩეჩელაშვილის, ლარეხის, მნათობის, გუმათის, ხუდადოვის, მახათას, ხეხილ სანერგე მეურნეობის, გედევანიშვილის, სარკინეთის, მახათას აღმართის, ივერთუბნის, აგიაშვილის, შერვაშიძის, განთიადის, არაგვისპირელის, ყუბანეიშვილის, რეხისა და მიმდებარე ქუჩებს.
ისნის რაიონში – ფშავის, მუჯირიშვილის, საინგილოს,სამრეკლოს, მესხიშვილის, ახვლედიანის, ლომოურის, ავლაბრის, სართიჭალას, ბზიფის, აწყურის, საბანაკო დასახლებას, ტატიშვილის, უზნაძის, ბუცხრიკიძის ქუჩებს, ვაზისუბნის დასახლებასა და მიკრორაიონებს, .ქეთევან წამებულის გამზირის ნაწილს, ღვინის აღმართს, მეტეხის აღმართს, 300 არაგველის, ბოდბის, ლუსინიანის, კაჩინსკის, დიდგორის, წულაძის, გაბრიელ სალოსის, მოსკოვის გამზირის ნაწილსა და მიმდებარე ქუჩებს.
ნაძალადევის რაიონში – გეგუთის, სვირის, მირზაანის, ჟღენტის, გომარეთის, ახტალის, ლოტკინის მთის, ხერთვისის, ბეჟანიშვილის, თმოგვის, ქართლის, დაისის, ღრმაღელის, ილურიძის, ჯავის, დიდი ჯიხაიშის, კოკინაკის, ლომთათიძის, მოლოკოვის, გრუზინსკის, ზედაზენის, ახალმოწამეთა, ღრმარელის, სანზონის, კაჭრეთის, მესხის, ქებურიას, ურიდიას, უიარაღოს, ჩარგლის, ზიგზაგის, გავაზაურის, ილურიძის, ხევსურეთის, სვანეთის, სააკაძის, წიკლაურის ქსოვრელისა და მიმდებარე ქუჩებს.
„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის. წყალმომარაგების სრულად აღგენამდე, კომპანია მოსახლეობას წყალს ცისტერნებით მიაწვდის“, – აღნიშნულია კომპანიის განცხადებაში.
კომენტარები