უკრაინისთვის მძიმე შეიარაღების მიწოდებას მხარი დაუჭირა გერმანელი დეპუტატების უმრაველსობამ

უკრაინისთვის მძიმე შეიარაღების გადაცემას, ბუნდესტაგის გერმანელი დეპუტატების უმრაველსობამ მხარი დაუჭირა. 

693 დეპუტატიდან იარაღის მიწოდებას მხარი 586-მა დაუჭირა, 100-მა საწინააღმდეგო პოზიცია დააფიქსირა, 7-მა კი თავი შეიკავა.

გერმანიის ბუნდესტაგის, ქვედა პალატის ეს მხარდაჭერა არის მნიშვნელოვანი ცვლილება ბერლინის პოლიტიკაში რუსეთისა და უკრაინის საკითხთან მიმართებაში.

ინიციატივის მხარი დაუჭირა მმართველმა კოალიციამ და ასევე უდიდესმა ოპოზიციურმა პარტიამ, ქრისტიან დემოკრატებმა. წინააღმდეგი იყო ულტრა მემარჯვენეთა პარტია, ალტერნატივა გერმანიისთვის. მათი თქმით, ეს თითქმის იგივეა, რაც ომის გამოცხადება. წინააღმდეგი იყო სოციალისტების მემარცხენეთა პარტია.

მაშინ, როცა ბუნდესტაგი ამ საკითხს განიხილავდა, კანცლერი ოლაფ შოლცი იაპონიაში დიპლომატიურ ვიზიტზე იმყოფებოდა, რასაც გარკვეული პარტიების დეპუტატების, მათ შორის ქრისტიან დემოკრატთა კრიტიკა მოჰყვა.

ასევე, უკრაინას სამხედრო ტექნიკის მიწოდება რამდენიმე გერმანულმა იარაღის მწარმოებელმა შესთავაზა.