პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ოლექსეი არესტოვიჩზე განაცხადა :
“არესტოვიჩის განცხადებები გახდა უკვე ძალიან მომაბეზრებელი და მგონია, რომ მას ყურადღება საერთოდ აღარ უნდა მივაქციოთ, რადგან ძალიან ნათელია, რა არის მისი ამოცანა. მისი ამოცანაა – საქართველო ჩაებას ომში. ჩვენ ძალიან კარგად ვიცით, რამდენი კაცია გაყვანილი ცხინვალიდან და აფხაზეთიდან, რამდენი ტანკია იქ დარჩენილი და ამისათვის არესტოვიჩის მითითებები ნამდვილად არ გვჭირდება. არ მგონია მას უფრო მეტად უყვარდეს საქართველო, ვიდრე რომელიმე ჩვენგანს. ჩვენ ძალიან კარგად ვიცით, როგორ უნდა აღვადგინოთ ჩვენი ტერიტორიული მთლიანობა.”
შეგახსენებთ, რომ უკრაინის პრეზიდენტის ოფისის ხელმძღვანელის მრჩეველმა, ოლექსი არესტოვიჩმა ამერიკის ხმასთან ინტერვიუში თქვა, – მას ეჩვენება, რომ საქართველოს მთავრობა ძალიან ცდილობს, თავი მოაწონოს რუსეთს მათი ქმედებებით და განცხადებებით.
კომენტარები