ანალიტიკოსი, გია აბაშიძე:
“ევტუშენკოვი-ივანიშვილის ე.წ. სატელეფონო საუბარზე – ამგვარი მანიპულაციებით “ნაცები” საინფორმაციო სივრცეს ერთი-ორი დღით თუ ძლებენ მედიასივრცეში. შემდეგ ახალ ‘ფეიკებს’ იგონებენ და ბოლოს ისევ საწყის ეტაპს უბრუნდებიან – კედელს ურტყამენ თავს.
ამ ე.წ. საუბარში “ზერნოს” “გაშიფვრა” (ფული, მაყუთი) “ნაცების” “დიდ ინტელექტს” პეტრე ცისკარიშვილს, სავარაუდოდ, რუსი ბიზნესმენი კობა ნაყოფია ასწავლიდა.
არახამია არის ის ადამიანი, რომელსაც სძულს საქართველო, მას არ აქვს ქართული იდენტობა. ის არის სააკაშვილის ომის პარტიის გზავნილების რუპორი უკრაინიდან. კოლექტიური ადეიშვილები და ლორთქიფანიძეები მაქსიმალურად ცდილობენ საქართველო-უკრაინის მრავალსაუკუნოვანი მეგობრობის დაზიანებას, მაგრამ ისინი ამაშიც ჩაფლავდებიან (სააკაშვილის ‘ლექსიკონიდან’).
სააკაშვილის სექტა 2011 წლიდან უშედეგოდ ცდილობს დასავლეთში იმის დამკვიდრებას, რომ ბიძინა ივანიშვილი რუსული ინტერესების გამტარებელია და “ქართული ოცნება” “პრორუსულია”. რეალურად კი, ამ ე.წ. რუსეთუმე ხელისუფლებამ უპრეცედენტოდ მაღალ ნიშნულებს მიაღწია ევროატლანტიკურ ინტეგრაციაში. “ნაცების” ამ გახუნებულ გზავნილს კი, დღემდე იმეორებენ ცალკეული ერთეული ევროპარლამენტარები, დასავლეთის ცალკეული მკვლევარები, რომლებიც, დიდი ალბათობით, ამას ანგარებით აკეთებენ.
საქართველოს სახელმწიფოს დაუმსახურებლად ამუნათებენ უკრაინის ოფიციალური პირები, რაც სრულიად აღმაშფოთებელია! აბა საქართველო იყოს მდიდარი ენერგორესურსებით ისევე, როგორც აზერბაიჯანია, ზელენსკი გაგვიბედავდა ამდენ უსაგნო კრიტიკას? ძალიან ეჭვი მეპარება!
გმირი ხალხია უკრაინელები და არა ცალკეული პოლიტიკოსები. ეს ომი დასრულდება ადრე თუ გვიან და ყველაფერი გაირკვევა, თუნდაც ის, თუ რატომ არ მოხდა მშვიდობიანი მოსახლეობის დროული ევაკუაცია.
იმის მიუხედავად, რომ “ნაციონალური მოძრაობის პოლიტიკოსებსა და პოლიტიკანებს ეხამუშებათ, რომ მათ ომის პარტიას ვუწოდებთ, ალექსეი არესტოვიჩმა სააკაშვილს გამოუგზავნა “ოფიციალური სერტიფიკატი”, რომ ის წარმოადგენს ომის პარტიის ლიდერს. ამისთვის არესტოვიჩს ეკუთვნის “მადლობის სიგელი” საქართველოს ხალხისგან.”
კომენტარები