რუსმა ოკუპანტებმა ხარკოვი დაბომბეს. დამპყრობლების თავდასხმის შედეგად, სამი ადამიანი დაიღუპა, 16 კი დაშავდა. ამის შესახებ ხარკოვის სამხარეო სამხედრო ადმინისტრაციის თავმჯდომარემ, ოლეგ სინეგუბოვმა გაავრცელა ინფორმაცია.
„ოკუპანტებმა კიევსკის, ინდუსტრიული უბნები დაბომბეს. რუსები 35-40 კმ-ის მანძილზე, მრავალჯერად სარაკეტო სისტემებს იყენებენ. ასევე, მათ დერგაჩევსკისა და ჩუგუევსკის რაიონები დაბომბეს“, – განაცხადა ხარკოვის რეგიონალური სამხედრო ადმინისტრაციის ხელმძღვანელმა.
მან ასევე, ქალაქის მოსახლეობას მოუწოდა, უსაფრთხოების მიზნით, თავშესაფრები ზედმეტად არ დატოვონ და არ შეიკრიბონ. გარდა ამისა, ოლეგ სინეგუბოვმა დასძინა, რომ რეგიონში აღდგომის დღესასწაულისთვის, შეზღუდვები დაწესდება.
კომენტარები