გადავწყვიტეთ, გასაჯაროვდეს ევროკავშირის წევრობის კითხვარი – ილია დარჩიაშვილი

საგარეო საქმეთა მინისტრ ილია დარჩიაშვილის თქმით, მიიღეს გადაწყვეტილება, გასაჯაროვდეს ევროკავშირის წევრობის კითხვარი, რომელიც  11 აპრილს ევროკომისარმა ოლივერ ვარჰეიმ საქართველოს გადასცა.

“ჩვენთვის ცნობილია, რომ არის ძალიან მაღალი საზოგადოებრივი ინტერესი აღნიშნული დოკუმენტის [ევროკავშირში წევრობის კითხვარი] მისამართით. შესაბამისად, როგორც გითხარით, საქართველოს პრემიერმინისტრის ხელმძრვანელობით დღეს გაიმართა სამთავრობო კომისიის სხდომა და მიღებულ იქნა გადაწყვეტილება, რომ აღნიშნული დოკუმენტი გასაჯაროვდება და ჩვენ ვუზრუნველყოფთ, რაც შეიძლება მალე, ეს დოკუმენტი გახდეს ხელმისაწვდომი.”