ევროპარლამენტარი ვიოლა ფონ კრამონი, “ნეტგაზეთისთვის” მიცემულ ინტერვიუში, პრემიერ ღარიბაშვილის განცხადებას უკრაინასთან დაკავშირებით, ეხმაურება და ამბობს:
“პრემიერ-მინისტრის განცხადება, ეს იგივეა, როდესაც ქალზე კაცი ძალადობს, მაგრამ ამბობენ, რომ ეს ქალის ბრალი იყო. ეს რა, მსხვერპლის დადანაშაულებაა?! გულწრფელი რომ ვიყო, შოკირებული ვარ, რადგან ვერ წარმომედინა, რომ ვინმეს ასე შეეძლო ფაქტების ინტერპრეტაცია.
როდესაც აგრესორი თავს გესხმის, კლავს, ანადგურებს, აუპატიურებს, აწამებს შენს მოქალაქეებს, უბრალო მოსახლეობას და ამაში მათ ადანაშაულებ, უბრალოდ იმიტომ რომ არსებობენ, ჩემთვის ნამდვილად გაუგებარია.
ის, რაც საქართველოს მთავრობისგან, განსხვავებით ქართველი ხალხისა და სამოქალაქო საზოგადოებისა, ვნახეთ, თავსატეხია. რეზოლუციებში რუსეთი არ მოიხსენიება, ამის პარალელურად კი ხდება „უკანა კარის“ შეთანხმებები რუსეთთან უკრაინისა და სხვა საკითხების შესახებ. მე ვერ ვხედავ მათ მიერ სანქციებზე შეერთებას, საპირისპიროდ ამისა, ისინი ცდილობენ სიტუაციის სათავისოდ გამოყენებას, რათა აგრესორთან ერთად „ფული იშოვონ”
შეგახსენებთ, პრემიერმა ღარიბაშვილმა განაცხადა, რომ უკრაინა ისჯება და ეს რომ ასე მოხდება, მან ეს ომის პირველივე დღეს იცოდა.
კომენტარები