“დეპარდიეს გავუუქმოთ რუსეთის პასპორტი, ჩამოერთვას ნაჩუქარი ბინები სარანსკსა და გროზნიში და გადაეცეს ობოლ ბავშვებს! ” – რუსი დეპუტატი

Единая Россия-ს დეპუტატმა, სულთან ხამზაევმა დუმას ჟერარ დეპარდიესთვის რუსეთის მოქალაქეობისა და პირადი ქონების ჩამორთმევის წინადადებით მიმართა.

“ჟერარ დეპარდიეს გავუუქმოთ რუსეთის პასპორტი, თავისი გამოხტომებისა და რუსი ხალხის სახელით ლაპარაკის გამო. მას ასევე უნდა ჩამოერთვას სახელმწიფოს მიერ ნაჩუქარი ბინები სარანსკსა და გროზნიში და გადაეცეს ობოლ ბავშვებს”. – მიმართა ხამზაევმა დუმას.

ფრანგმა მსახიობმა, რომელსაც რუსეთის მოქალაქეობა აქვს ვლადიმირ პუტინი გააკრიტიკა.

“რუსი ხალხი არ არის პასუხისმგებელი მათი ისეთი ლიდერების მიუღებელ და შეშლილ ქმედებებზე, როგორიც ვლადიმირ პუტინია”. – თქვა დეპარდიემ.

დეპარდიე 2013 წელს რუსეთში საცხოვრებლად გადავიდა და მალევე მოქალაქეობაც მიიღო. მსახიობი საფრანგეთის საგადასახადო სისტემას გამოექცა.