ჟურნალისტი, არჩილ გამზარდია:
“რუსეთ-უკრაინის მოლაპარაკებებში ჯერჯერობით გადაწყვეტილებებზე და ფინალზე საუბარი ნაადრევია, რადგან არც ხელი მოწერილა რამის შეთანხმებას, არც ხელმოწერის შემთხვევაში არსებობს გარანტიები, რომ რუსეთი არ დაარღვევს, რადგან მხოლოდ ჩვენი ქვეყნის მაგალითებიც კი საკმარისია, როდესაც რუსეთს შეთანხმებები არ შეუსრულებია და პირობებიც დაურღვევია. ჯარიც გაუყვანია უკან და ისევ გაუგრძელებია მერე თავდასხმა.
ამ ეტაპზე, ჩანს, გარკვეული მოცულობის თაიმ-აუტი უფრო აწყობთ მხარეებს.
პლუს, პოლიტიკურ კონტექსტში, საინტერესოა ის, რომ მხარეების მიერ ბუნდოვანი, მაგრამ მაინც მიღწეული კომპრომისების პერსპექტივა ჯერ პუტინს აქვს გადასაწყვეტი რუსეთში, მისი გადაწყვეტილებები კი მის შიდა პოზიციონირებისთვისა და პოლიტიკური კონტექსტის მდგენელისთვის იქნება მნიშვნელოვანი.
რაც შეეხება, საქართველოში ზოგიერთისთვის ტერმინ “ნეიტრალიტეტზე” აპელირებას, არსებული მოდელით, ტერმინი “ნეიტრალიტეტი” ჯამში სრულიადაც არ გამოდის ნეიტრალიტეტი, მეტიც, “ნატოს” ერთგვარი ვარიაცია უფრო გამოდის მე-5 მუხლის ფორმატში და ამ ეტაპზე არსებული შინაარსით, ნატოზე ქმედუნარიანიც კი შეიძლება აღმოჩნდეს. შეიძლება ერქვას “ნეიტრალიტეტი”, მაგრამ იმავე ფუნქციას ატარებს, რაც ნატოსკენ სწრაფვას აქვს საფუძველი.
ეს კი ძალიან მნიშვნელოვანი კომპონენტია, თუმცა, ამ ეტაპზე მაინც ნაადრევია ამ ყველაფერზე, როგორც შედეგზე, საუბარი. ეს ერთი მხრივ, პროცესია, მეორე მხრივ, სტრატეგიული კომუნიკაციის ნაწილი და არა იმდენად შედეგის განმსაზღვრელი გადაწყვეტილებები.”
კომენტარები