რუსი დამპყრობლები მძევლად ჰყავთ UNIAN-ის ჟურნალისტი დიმიტრი ხილიუკი. ამის შესახებ ინფორმაციას pravda.comარასამთავრობო ორგანიზაცია „მედია ინიციატივა ადამიანის უფლებებისთვის“ განცხადებაზე დაყრდნობით ავრცელებს.
ორგანიზაციის განცხადებით, ჟურნალისტი რუსმა სამხედროებმა გაიტაცეს კიევის რეგიონის ვიშგოროვსკის რაიონის სოფელ კოზაროვიჩში, დაახლოებით მარტის დასაწყისში. გაუჩინარების წინა დღეს დიმიტრიმ სოციალურ ქსელში დაწერა, რომ მისი სოფელი ოკუპაციის ქვეშ იყო.
კოზაროვიჩის ადგილობრივი მცხოვრებლების თქმით, დიმიტრი ახლა იმყოფება კიევის რეგიონის სხვა დასახლებაში – დიმერის ერთ-ერთი საწარმოს შენობაში.
სოციალური აქტივისტების თქმით, ეს არ არის პირველი შემთხვევა, როცა რუსმა სამხედროებმა ჟურნალისტები, აქტივისტები და ადგილობრივი ხელისუფლების წარმომადგენლები დააკავეს და გაიტაცეს.
ამიტომ უფლებადამცველებმა საერთაშორისო თანამეგობრობას მოუწოდეს, აიძულონ რუსეთი, შეასრულოს ჟენევის კონვენციის დებულებები და გაათავისუფლოს ყველა მძევალი.
წყარო: pia.ge
კომენტარები