“პოლონეთი საკმარისად დიდია, რომ თავდამსხმელების დასამარხად გვქონდეს ადგილი” – დუდა

“ჩვენ ვართ ერი, რომელიც არასოდეს არავის დასხმია თავს – ყოველთვის გვინდოდა და ახლაც გვინდა მშვიდად ცხოვრება, მაგრამ თუ ვინმე თავს დაგვესხმება, უნდა გაითვალისწინოს, რომ მტკიცედ დავდგებით სამშობლოს დასაცავად.

ასეთი გამონათქვამი გვაქვს – “ნუ შეშინდები, ნუ შეაშინებ” – ჩვენ ვართ ერი, რომელსაც სურს მშვიდად ცხოვრება.

პოლონეთს ისევ სურს მშვიდად ცხოვრება. ჩვენ გავთავისუფლდით რკინის ფარდისგან, დავიბრუნეთ სრული სუვერენიტეტი, დამოუკიდებლობა, ეკონომიკური თავისუფლება, იმისთვის, რომ შეძლებისდაგვარად კომფორტულად ვიცხოვროთ, განვვითარდეთ, გავმდიდრდეთ, ვიმოგზაუროთ მსოფლიოში და ვიყოთ მსოფლიოს მოქალაქეები. გვინდა, რომ ასე გაგრძელდეს. ეს არის ჩვენი მისწრაფება – როგორც საზოგადოების და ერის. ჩვენ არ ვართ აგრესიულები და არ გვინდა ვინმეზე თავდასხმა.

მაგრამ უნდა მოვემზადოთ იმისთვის, თუ ვინმე დაგვესხმება თავს. თუ ვინმეს სურს ჩვენზე თავდასხმა, იქნება ეს ჩრდილოეთიდან, აღმოსავლეთიდან, თუ სხვა მხრიდან, მან უნდა გაითვალისწინოს, რომ მტკიცედ ვიდგებით სამშობლოს დასაცავად. გარწმუნებთ, პოლონეთი საკმარისად დიდია იმისთვის, რომ გვქონდეს ადგილი თავდამსხმელების დასამარხად”