“უკრაინელები ვერასოდეს იფიქრებდნენ, რომ ალიანსი და ალიანსის წევრი ქვეყნები ერთმანეთისგან განსხვავდებიან“ – უკრაინის პრეზიდენტმა ვოლოდიმირ ზელენსკიმ ნატოს წევრი ქვეყნების ლიდერებთან მიმართვისას, ბრიუსელში გამართულ სამიტზე.
პრეზიდენტმა აღნიშნა, რომ როდესაც მან ალიანსს სამხედრო დახმარება სთხოვა, საუბარი არ იყო სამხედრო ტექნიკის უსასყიდლოდ მიწოდებაზე, არამედ უკრაინას ამ ტექნიკის ყიდვაც შეეძლო, თუმცა ამ თემაზე პასუხი არ მიუღიათ.
„საშინელი ომის დროს, კიდევ უფრო დიდი საშინელება პასუხის უქონლობაა“, – აღნიშნა ზელენსკიმ სამხედრო ტექნიკის მიწოდების საკითხთან მიმართებით.
ჩვენი მოქალაქეების დაცვა გვინდა. გვინდა რომ ვიცოცხლოთ, როგორც მსოფლიოს ნებისმიერ ერს, ჩვენც გვაქვს სიცოცხლის უფლება.
ალიანსს ჯერ კიდევ შეუძლია უკრაინელების სიცოცხლე გადაარჩინოს, ამისთვის კი აუცილებელია დაგვეხმაროთ და გაგვიწიოთ ის დახმარება, რასაც ვითხოვთ.
პრეტენზიებს არ გიყენებთ, თუმცა უკრაინელები ვერასოდეს იფიქრებდნენ, რომ ალიანსი და ალიანსის წევრი ქვეყნები ერთმანეთისგან განსხვავდებიან. ვერც იმას ვიფიქრებდით, რომ სიცოცხლეებს ცალ-ცალკე დაიცავდით და არა ერთად. ვერ ვიფიქრებდით, რომ ნატოს რუსეთის მოქმედებების შეეშინდებოდა.
დარწმუნებული ვარ, ნატოს კარგად ესმის, რომ რუსეთი უკრაინაზე შეჩერებას არ აპირებს“.
კომენტარები