“რუსეთის მოუმზადებლობის დონე დიდი სიურპრიზი იყო” – მიხაილ ხოდორკოვსკი

ბიზნეს– მაგნატმა, მიხაილ ხოდორკოვსკიმ, რომელიც კრემლის კრიტიკით გამოირჩევა, სიენენთან ინტერვიუში თქვა, რომ დასავლეთის სახელმწიფოების ლიდერები იმავე შეცდომებს უშვებენ რუსეთის პრეზიდენტ ვლადიმირ პუტინთან, რაც მათმა წინამორბედებმა დაუშვეს ჰიტლერთან:

CNN-თან  საუბრისას ხოდორკოვსკიმ ასევე აღნიშნა, რომ ის ხედავს პარალელებს უკრაინაში დღევანდელ სიტუაციასა და მეორე მსოფლიო ომს შორის.

აშშ-ს ოფიციალურმა პირებმა განაცხადეს, რომ რუსი სამხედროები განიცდიან საკვებისა და საწვავის დეფიციტს, ასევე, ლოგისტიკურ პრობლემებს.

„დასავლელი ლიდერები ამბობდნენ, რომ ჰიტლერის განრისხების ეშინოდათ და ფიქრობდნენ, თუ წინააღმდეგობას არ გაუწევდნენ, საბოლოოდ გაჩერდებოდა. თუმცა, ამ შეცდომამ ასობით მილიონი ადამიანის სიცოცხლე შეიწირა. ასობით მილიონი ადამიანის სიცოცხლე დაიკარგა და იგივე შეცდომა ახლაც ხდება“, – აცხადებს ხოდორკოვსკი.

ხოდორკოვსკი, ასევე, აცხადებს, რომ რუსეთის მოუმზადებლობის დონე მისთვის დიდი სიურპრიზი იყო.

ცნობისთვის ხოდორკოვსკიმ, ოდესღაც რუსეთის უმდიდრესმა ადამიანმა, ათ წელზე მეტი გაატარა ციხეში.