პენტაგონის სპიკერი, ჯონ კირბი ეხმაურება კრემლის სპიკერის, დმიტრი პესკოვის განცხადებას ბირთვული იარაღის გამოყენების შესაძლებლობასთან დაკავშირებით.
ჯონ კირბის თქმით, კრემლის სპიკერი სიტყვები “საშიში რიტორიკაა”. მან ასევე აღნიშნა, რომ ასეთი ქცევა შეუსაბამოა ბირთვული სახელმწიფოსთვის.
“პასუხისმგებლიანი ბირთვული ძალა ასე არ უნდა იქცეოდეს”. – თქვა პენტაგონის სპიკერმა.
კირბიმ ასევე ხაზი გაუსვა, რომ აშშ ჯერ ვერ ხედავს საკუთარი ბირთვული მზადყოფნის შეცვლის აუცილებლობას.
“არ შეგვიმჩნევია არაფერი ისეთი, რის შედეგადაც ჩვენი სტრატეგიული შეკავების პოზიციის ცვლილება მოგვიწევდა”.
შეგახსენებთ, კრემლის სპიკერმა, დმიტრი პესკოვმა CNN-თან საუბრის დროს ბირთვული იარაღის გამოყენება არ გამორიცხა.
“თუ იარსებებს ეგზისტენციალური საფრთხე ჩვენი ქვეყნისთვის, მაშინ, შეიძლება, ის გამოვიყენოთ”. – თქვა პესკოვმა.
კომენტარები