საქართველოს პრემიერ-მინისტრმა ირაკლი ღარიბაშვილმა ჩინეთის სახალხო რესპუბლიკის საგანგებო და სრულუფლებიან ელჩთან საქართველოში, ლი იანთან გამოსამშვიდობებელი შეხვედრა გამართა.
მთავრობის მეთაურის თქმით, ჩინეთი საქართველოს სავაჭრო პარტნიორთა ხუთეულშია და ჩინეთთან თავისუფალი ვაჭრობის შეთანხმება (FTA) ხელს უწყობს ვაჭრობის ზრდას, რაც 2021 წელს საქართველო-ჩინეთს შორის სავაჭრო ბრუნვაზე აისახა.
ჩინელმა დიპლომატმა თავის მხრივ ხაზი გაუსვა არსებული ურთიერთობების, მათ შორის საინვესტიციო თანამშრომლობის კიდევ უფრო მეტად გაძლიერების მნიშვნელობას საქართველოს პერსპექტიულ ბაზარზე. აგრეთვე აღინიშნა მზარდი დინამიკა ტურიზმის სფეროშიც, რასაც ხელს უწყობს პირდაპირი ფრენები საქართველოსა და ჩინეთს შორის.
პრემიერ-მინისტრმა ჩინეთის მთავრობას კიდევ ერთხელ გადაუხადა მადლობა Covid-19-ის ვაქცინების მიღების პროცესში გაწეულ დახმარებისთვის, აგრეთვე მუდმივ მხარდაჭერაზე როგორც ტექნოლოგიური, ისე საგრანტო პროექტების მიმართულებებით და ელჩს წარმატება უსურვა.
ფოტოს და ინფორმაციას მთავრობის ადმინისტრაცია ავრცელებს.
კომენტარები