პუტინი საკუთარ ხალხზე განრისხებულია

ვლადიმერ პუტინი, მედიასთან მოულოდნელად გამოჩნდა და ქვეყანაში არსებულ “მეხუთე კოლონაზე” ალაპარაკდა.

აგრესორი ქვეყნის პრეზიდენტი აღნიშნავს, რომ რუსეთში არიან ადამიანები, ” ვინც მენტალურად არის უკრაინის მხარეს და სიმდიდრეს ვერ თმობს”.

“ისინი შეეცდებიან ფსონი დადონ მეხუთე კოლონაზე, იმ გამყიდველებზე, რომელებიც ფულს შოულობენ აქ და ცხოვრებენ იქ, მაგრამ გეოგრაფიულ მდგომარეობას კი არ ვგულისხმობ, არამედ მათ მონურ აზროვნებას. მე არ განვსჯი იმათ, ვისაც აქვს ვილა მაიამიზე ან საფრანგეთის რივიერაზე,  არც მათ, ვისაც არ შეუძლია ცხოვრება ფუაგრას, კიბორჩხალას ან გენდერული თავისუფლების გარეშე. პრობლემა ამაში არ არის. პრობლემაა, რომ ბევრი ადამიანი მენტალურად არის მათთან და არა ჩვენს ხალხთან ერთად”- თქვა პუტინმა.

მან კონკრეტულ ადამიანებს “მშობლების გამყიდველები უწოდა”. პუტინის მტკიცებით, დასავლეთი სანქციებით სპეკულირებს:

ეს ადამიანები გაყიდიან მშობელ დედას, ოღონდ დასვან მისაღებში ამ ელიტასთან. ისინი ბაძავენ და უნდათ, რომ გახდნენ მათნაირები…
დასავლეთი ცხდილობს, გახლიჩოს ჩვენი საზოგადოება, სპეკულირებენ სამხედრო დანაკარგებზე და ეკონომიკურ სანქციბზე და რუსეთის ნგრევაზე, მაგრამ რუსი ხალხი შეძლებს განასხვავოს პატრიოტები და მოაღალტეები. მათ რუსი ხალხი გადმოაფურთხებს, როგორც პირში შემთხვევით შეფრენილ ბუზს”- თქვა პუტინმა. 

წყარო: ტვ. პირველი