უკრაინა და რუსეთი შეთანხმდნენ, რომ 21:00 საათამდე საბრძოლო მოქმედებებს შეწყვეტენ 6 ჰუმანიტარული დერეფნით მოქალაქეების ევაკუაციის მიზნით. ამის შესახებ დღეს, კიევში გამართულ ბრიფინგზე განაცხადა უკრაინის რეინტეგრაციის მინისტრმა ირინა ვერეშჩუკმა.
მინისტრის ინფორმაციით, დილით რუსეთისგან მიიღეს შეტყობინება, რომ თანახმაა უკრაინისგან შეთავაზებულ მარშრუტებსა და „წითელი ჯვრისთვის“ შესაბამისი წერილის გაგზავნაზე. ვერეშჩუკის თანახმად, კიევმა „წითელ ჯვარში“ წერილი უკვე გაგზავნა.
უკრაინელი მინისტრის ინფორმაციით, ჰუმანიტარული დერეფნები გაიხსნება შემდეგი მიმართულებებით: ენერგოდარი-ზაპოროჟიე, სუმი-პოლტავა, მარიუპოლი-ზაპოროჟიე, ვოლნოვახა-პოკროვსკი, იზიუმი-ლოზოვაია და კიევის ოლქის ქალაქებიდან, ბუჩიდან, ვორზელიდან, ირპინიდან, ბოროდიანკიდან და გოსტომელიდან დედაქალაქ კიევისკენ.
ირინა ვერეშჩუკის განცხადებით, ცალკე ოპერაციაა ჩასატარებელი ქალაქ ვორზელის ბავშვთა სახლიდან 50 ბავშვის და 26 თანამშრომლის ევაკუაციისთვის, ამიტომ რუს სამხედროებს მოუწოდებენ, დაიცვან ცეცხლის შეწყვეტის პირობა.
აიპრესი
კომენტარები