რუსული მედიის ინფორმაციით, რუსეთის უკრაინაში შეჭრის შემდეგ ცნობილმა რუსმა მომღერალმა ალა პუგაჩოვამ და მისმა ქმარმა, მაქსიმ გალკინმა შვილებთან ერთად რუსეთი დატოვეს – ერთ-ერთი ვერსიით, ოჯახი, ამჟამად, დიდ ბრიტანეთში იმყოფება.
რუსული გამოცემები წერენ, რომ პუგაჩოვა და გალკინი სოფელ გრიაზში მდებარე ფეშენებელურ ვილას ყიდიან, სადაც შვილებთან ერთად ცხოვრობენ. რუსი პროდიუსერი ანდრეი რაზინი აცხადებს, რომ ვილის შეძენა მას გალკინმა შესთავაზა. რაზინის თქმით, მზად არის შეიძინოს სასახლე, თუ მისთვის ხელსაყრელ პირობებს შესთავაზებენ. პროდიუსერი ამბობს, რომ პუგაჩოვასა და გალკინის სახლში ობოლი ბავშვებისთვის მოაწყობს სასწავლებელს, სადაც ისინი IT ტექნოლოგიებს დაეუფლებიან.
ალა პუგაჩოვასა და მაქსიმ გალკინის მიერ რუსეთის დატოვების შესახებ ინფორმაცია, ოფიციალურად, ამ დრომდე არ დასტურდება, წყვილი მედიასთან კომენტარს არ აკეთებს.
კომენტარები