რუსმა სამხედროებმა კიევის ოლქში ღამით ქალაქი ბუჩა ისევ დაბომბეს. ქალაქი “ალყაშია” – ამის შესახებ ბუჩას მერმა, ანატოლი ფედორუკმა უკრაინული ტელევიზის ეთერში განაცხადა.
მისი თქმით, მოსახლეობას არ აქვს წყლისა და საკვების შეძენის საშუალება, არ აქვთ შუქი და გადაადგილების უფლება. ადგილობრივები სარდაფებში იმალებიან.
პარალელურად უკრაინული გამოცემა УНІАН წერს, რომ ბუჩაში და კიევის რეგიონის მიმდებარე დასახლებებში ხალხი ფაქტობრივად მძევლად აიყვანეს და მათ დაღუპული მშვიდობიანი მოსახლეობის დაკრძალვაც კი არ შეუძლიათ.
“ფაქტობრივად, მეშვიდე დღეს ბუჩა, ვორზელი და გოსტომელი – ომის დაწყებიდან მძევლად აიყვანეს რუსულმა ჯარებმა. იყო მცდელობები ჩვენი შეიარაღებული ძალების მხრიდან და თითქმის განდევნეს რუსული ჯარები, მაგრამ ერთი დღის შემდეგ ისევ მოვიდნენ. ისინი აკონტროლებენ მთავარ ქუჩებს და ესვრიან ხალხს. მოსახლეობამ მოკლე დროში უნდა დატოვოს სახლები, როცა არ იქნება დაბომბვა
“, – განაცხადა ფედორუკმა.
კომენტარები