უკრაინა-ბელარუსის საზღვართან, ბელოვეჟსკში, უკრაინისა და რუსეთის დელეგაციების მონაწილეობით მოლაპარაკებათა მესამე რაუნდი დაიწყო. ინფორმაციას უკრაინის პრეზიდენტის ოფისის მრჩეველი, მიხაილ პოდოლიაკი, ადასტურებს.
აღნიშნულ ინფორმაციას ბელარუსში რუსეთის საელჩოზე დაყრდნობით ავრცელებს რუსეთის სახელმწიფო სააგენტო „ტასიც“.
მომლაპარაკებელთა შორის უკრაინის მხრიდან არიან ფრაქცია„ხალხის მსახურის“ თავმჯდომარე დავიდ არახამია, უკრაინის თავდაცვის მინისტრი ალექსეი რეზნიკოვი, უკრაინის პრეზიდენტის აპარატის უფროსის მრჩეველი მიხაილო პოდოლიაკი.
უკრაინასა და რუსეთს შორის მოლაპარაკების პირველი რაუნდი 28 თებერვალს, მეორე რაუნდი კი 3 მარტს გაიმართა, თუმცა რამე შედეგით არ დასრულებულა.
კომენტარები