რუსების უკონტროლო შემოდინება საქართველოში – ვინ არიან ოკუპანტი ქვეყნიდან საქართველოში ჩამოსული ადამიანები და 2013 წლიდან დღემდე რა გააკეთა ძალოვანმა რგოლმა აგენტების გამოსავლენად – ამ თემებზე საგანგებო ბრიფინგი ნონა მამულაშვილმა გამართა.
მამულაშვილის განცხადებით, შსს მინისტრს მიმართეს კონტროლის მექანიზმებზე პასუხების მისაღებად.
“დღეს ჩვენ მივმართეთ წერილით საქართველოს შინაგან საქმეთა მინისტრს, ვახტანგ გომელაურს, იმიტომ, რომ ჩვენ ვხედავთ, რომ ბოლო რამდენიმე დღის განმავლობაში საქართველოში მასიურად შემოედინება რუსეთის პასპორტის მქონე მოქალაქეები და ამის კონტროლი არ ხდება. იმის გათვალისწინებით, რომ ამ ადამიანებში, სავარაუდოდ, შეიძლება იყოს დივერსანტები, მნიშვნელოვნად მიგვაჩნია, გავარკვიოთ რა ღონისძიებებს ატარებს სახელმწიფო და რა კონტროლის მექანიზმებია.
ვთხოვთ გომელაურს, მოგვაწოდოს ინფორმაცია ჯაშუშობის ბრალდებით დაკავებულ პირთა რაოდენობისა და მათ მიმართ გამოყენებული სანქციების ზომის თაობაზე”,- თქვა ნონა მამულაშვილმა.
მამულაშვილის განცხადებით, მნიშვნელოვანია ვიცოდეთ, როგორ აპირებს უცხო ქვეყნის მოქალაქეების შემოდინების კონტროლსა და პრევენციას სახელმწიფო, თუ მათ შორის დივერსანტები გამოვლინდებიან.
კომენტარები