“ეს გადაწყვეტილება რადიო თავისუფლებას თავად არ მიუღია, ჩვენ იძულებული გავხდით..”-რადიო “თავისუფლების”პრეზიდენტი და აღმასრულებელი დირექტორი, ჯეიმ ფლაიმი

რადიო თავისუფლებამ რუსეთში მუშაობა შეწყვიტა – ამის შესახებ ინფორმაციას BBC ავრცელებს.

სარედაქციო განცხადებაში ნათქვამია, რომ რუსული ბიურო იძულებულია, გაკოტრების პროცესს გაუმკლავდეს. მათი ცნობით, პარალელურად ჟურნალისტებზე სამართალდამცავი ორგანოების მხრიდან ზეწოლა მიმდინარეობს.

“ეს გადაწყვეტილება რადიო თავისუფლებას თავად არ მიუღია, ჩვენ იძულებული გავხდით, სიმართლეზე პუტინის რეჟიმის თავდასხმის გამო დაგვეხურა ბიურო”, – თქვა რადიო თავისუფლების პრეზიდენტმა და აღმასრულებელმა დირექტორმა, ჯეიმი ფლაიმ.

ცნობისთვის, რადიო თავისუფლების რუსულენოვანი ბიურო 1953 წლიდან ფუნქციონირებდა.

შეგახსენებთ, რომ გუშინ რუსეთში მაუწყებლობა შეაჩერა CNN-მა, მანამდე კი BBC-მ, CBS-მა და Bloomberg-მა.