“რადიაციამ არ იცის სად არის რუსეთი, რადიაციამ არ იცის სად არის თქვენი ქვეყნის საზღვრები!” – ზელენსკის მიმართვა რუსეთის მოქალაქეებს

უკრაინის პრეზიდენტმა ვოლოდიმირ ზელენსკიმ რუსეთის მოსახლეობას მიმართა თავის მორიგ ვიდეომიმართვაში, სადაც ზაპოროჟიეს ატომურ ელექტროსადგურზე 4 მარტის ღამეს სამხედრო მოქმედებების შედეგად ცეცხლის გაჩენის შესახებ ისაუბრა და თქვა:

„რუსებო, თქვენ მინდა მოგმართოთ: როგორ შეიძლება ეს?! ჩვენ ხომ 1986 წელს ჩერნობილის კატასტროფის შედეგებს ერთად ვებრძოდით. აფეთქებისგან მიმოყრილი ცხელი გრაფიტი უნდა გახსოვდეთ, უნდა გახსოვდეთ მსხვერპლი და განადგურებულ ენერგობლოკის თავზე ნათება, უნდა გახსოვდეთ პრიპიატიდან და სადგურიდან 35 კმ-ის რადიუსში მოსახლეობის ევაკუაცია.

როგორ შეიძლება ამის დავიწყება?! და თუ არ დაგვიწყებიათ არ უნდა გაჩუმდეთ და უნდა უთხრათ ხელისუფლებას, გამოხვიდეთ ქუჩაში და თქვათ, რომ თქვენ გინდათ იცხოვროთ მიწაზე, სადაც რადიაციისგან არ დაინფიცირდები. რადიაციამ არ იცის, სად არის რუსეთი, რადიაციამ არ იცის, სად არის თქვენი ქვეყნის საზღვრები“