“კრემატორიუმი ჩამოიტანეს… და ესმით, რომ ეს კრემატორიუმი თავისთვის მოაქვთ, ეს საშინელებაა, გენოციდი და ნაციზმია” – ზელენსკი

უკრაინის პრეზიდენტი, ვოლოდიმირ ზელენსკი უცხოელ ჟურნალისტებთან ინტერვიუს დროს ამბობს:

“რუსეთის არმიაში ცოცხალ ძალას არავინ არ ითვლის, რუსულ არმიაში არავინ არ ითვლის რამდენი ჯარისკაცი დაიღუპა. იცით თუ არა რომ თან კრემატორიუმი ჩამოიტანეს. წარმოიდგნეთ, კრემატორიუმი ჩამოიტანეს. ისინი არ აპირებენ, რომ დედებს აქ, ამ ომში დაღუპული შვილები უჩვენონ. არ ეუბნებიან, რომ ისინი აქ ჩვენს მოსაკლავად ჩამოვიდნენ, ჩვენ კი თავს ვიცავდით, ჩვენ სახლებს ვიცავდით. ჩვენ არ გვინდა მათი დახოცვა და დახოცვა რომ გვინდოდეს, რატომ ავიყვანდით ტყვედ, ან ჩვენი ექიმები რატომ უმკურნალებდნენ მათ?

ეს კრემატორიუმი ამ ბიჭებმა ჩამოიტანეს და ესმით, რომ ეს კრემატორიუმი თავისთვის მოაქვთ. ეს საშინელებაა. მე არ მესმის რა ადამიანია ის, ვისაც მსგავსი რაღაცის დაგეგმვა შეუძლია. ეს გენოციდი და ნაციზმია”.