ხელისუფლების ღია იერიში ომში მყოფი უკრაინის პრეზიდენტის წინააღმდეგ – “ქართული ოცნების” ყოფილი წევრები, ირაკლი კობახიძის მიერ გუშინ გაკეთებულ სკანდალურ განცხადებაზე გაოგნებას ვერ მალავენ.
ეკა ბესელია ამბობს, რომ ეს “სამედიცინო დიაგნოზია” და მას პოლიტიკასთან არანაირი შეხება არ აქვს:
როდესაც იწყებ ღია იერიშს ომში მყოფი პრეზიდენტის წინააღმდეგ, ამბობს, რომ ზელენსკიც ნაციონალური მოძრაობის გვერდით დგას, ეს უკვე წიმნიდა სამედიცინო საკითხია, ეს არ არის ნორმალური პოლიტიკა, ეს არ არის ჯანსაღი ამბავი. ეს არის სიმდაბლე, რაც შეიძლება ადამიანმა დაუშვა და პრინციპში ვერც დაუშვა. აი ამ დონემდე დაეშვა კობახიძე თავისი გზავნილებით, რომლითაც ის პირდაპირ დგას, რუსული, ბარბაროსული, დამპყრობლური რეჟიმის გვერდით” – განაცხადა ეკა ბესელია.
ანი მოროტაძე კი ამბობს, რომ “გავრილოვის საქართველოში შემომყვანი” კობახიძე არ წარმოადგენს ქართველ ხალხს:
ამ განცხადებას აკეთებს გავრილოვის საქართველოში შემომყვანი ირაკლი კობახიძე. ამიტომ ეს არის კონკრეტულად კობახიძის განცხადება და მას საერთო არ აქვს იმ საერთო სულისკვეთებასთან რომელიც აქვს ქართველ ხალხს უკრაინელი ხალხისა და ზელენსკისთან მიმართებით.
კობახიძემ რა იცის რა არის ომი? – ჩვენ ბევრი ომი გადავიტანეთ და ის არასდროს არავის უნახავს კობახიძე.
მმართველი პარტია უკან არ იხევს და აცხადებს, რომ სანქციებს არ შეუერთდება. ირაკლი კობახიძე ფრო შორს წავიდა და თქვა, რომ პრეზიდენტ ზელენსკის გადაწყვეტილების უკან, საქართველოდან ელჩი გაეწვიათ, “ერთიანი ნაციონალურ მოძრაობა” და დავით არახამია დგანან. კობახიძის შფასებით, ზელენსკის გადაწყვეტილება “გაუმართლებელთან ერთად სრულიად ალოგიკურია”. მან უკრაინის პრეზიდენტი ორმაგი სტანდარტის გატარებაში დაადანაშაულა
კომენტარები