რუსეთის მიმართ დასავლური სანქციების მოსალოდნელ ეფექტებზე საქართველოს ეროვნული ბანკის პრეზიდენტი გიორგი ქადაგიძე სოციალურ ქსელში წერს:
„სანქციების დაწესებიდან ერთი კვირაში მიღებული ეკონომიკური ეფექტი:
– გაყინული რეზერვები (300 მილიარდი),
– გათიშული საგადახდო სისტემები,
– ბანკებთან რიგები ფულის გადახურდავებასა და გატანაზე,
– გაყინული ანაბრები,
– 60% (30+30)-ით გაუფასურებული კურსი,
– 20%-მდე გაზრდილი საპროცენტო განაკვეთები არსებულ იპოთეკურ სესხებზე;
– ასობით მეგა კომპანიის შეჩერებული საქმიანობა;
– ასი ათასობით დაკარგული სამუშაო ადგილი და გაკოტრებული მცირე ბიზნესი;
– შეჩერებული სავიზო რეჟიმები;
– ევროპაში გასვლის შეზღუდვები;
– ჩამოშლილი საფონდო ბაზარი;
– რუსული მეგაკომპანიების უმეტესობა გადახდისუუნარო მდგომარეობაში;
– შეჩერებული საერთაშორისო გადაზიდვები;
– მთელ მსოფლიოში ოლიგარქების ქონებაზე გამოცხადებული ნადირობა.
„ეს მხოლოდ მყისიერი შედეგებია. ტექნოლოგიების და სხვა უამრავი შეზღუდვის ეფექტი ჯერ არც კი დაწყებულა.
პუტინის მთავრობა 1998 წლის დეფოლტის შემდეგ მოვიდა და 2022 წლის დეფოლტის შემდეგ უნდა დაემხოს.
Stay strong Ukraine“, – წერს გიორგი ქადაგიძე სოციალურ ქსელში.
კომენტარები