“რუსეთი ვიდეოს დამზადებას გეგმავს, სადაც, სავარაუდოდ, ზელენსკი განაცხადებს, რომ უკრაინა გამოფიტულია და მზად არის დანებდეს “

რუსეთი გეგმავს, რომ Deepfake-ით [ხელოვნური ინტელექტის მიერ შექმნილი ადამიანის გარეგნობის, სხეულის მოძრაობის, ლაპარაკის მანერისა და მიმიკის მიმბაძველი ტექნოლოგია] უკრაინის პრეზიდენტ ვოლოდიმირ ზელენსკის გაყალბებული ვიდეო დაამზადოს, – ამის შესახებ უკრაინის დაზვერვა იუწყება.

განცხადებაში აღნიშნულია, რომ რუსეთი გაყალბებული ვიდეოს დამზადებას გეგმავს, სადაც, სავარაუდოდ, ზელენსკი განაცხადებს, რომ უკრაინა გამოფიტულია და მზად არის დანებდეს.

„როდესაც 2022 წლის თებერვლის დასაწყისში რუსეთთან კონფლიქტმა იმპულსი მოიმატა, მან გაააქტიურა მისთვის ხელმისაწვდომი ჰიბრიდული ომის ყველა ინსტრუმენტი, კერძოდ, დაიწყო ვიდეოების გაყალბება – თითქოს უკრაინის შეიარაღებულმა ძალებმა ლუგანსკში საბავშვო ბაღს ცეცხლი გაუხსნეს, შემდეგ, თითქოს,უკრაინის შეიარაღებული ძალები რუსეთის მიერ ოკუპირებულ ტერიტორიებზე ქიმიურ თავდასხმას ამზადებდნენ და ა.შ.

ახლა კი რუსეთი გეგმავს, რომ დაამზადოს ყალბი ვიდეო, სადაც განცხადებული იქნება, რომ უკრაინა გამოფიტულია და მზად არის დანებდეს, მაგრამ, ეს არასოდეს მოხდება. დაზვერვა ვარაუდობს, რომ უკრაინის პრეზიდენტის ვოლოდიმირ ზელენსკის სახე შეიძლება გამოყენებულ იქნეს ასეთ ვიდეოში, ამიტომ, იცოდეთ, რომ ასეთი ვიდეო იქნება ყალბი, რომლის მიზანია პანიკის დათესვა, დემორალიზება და ჩვენი ჯარების დანებებაში დარწმუნება“, – აღნიშნავენ დაზვერვის სამსახურში.

წყარო: pia.ge