ამერიკის შეერთებულ შტატებში მოქმედი კანონმდებლობის მიხედვით, ყველა ხელშეკრულება, რომელიც ამერიკის ტერიტორიაზე უცხო ქვეყნის სასარგებლოდ ლობისტურ საქმიანობას ითვალისწინებს საჯაროა. თითოეული კონტრაქტის მიზნების, ღირებულების და მოქმედების ვადების შესახებ ინფორმაცია აშშ-ის უცხოური აგენტების რეგისტრაციის (FARA) ვებგვერდზე არის გამოქვეყნებული.
აღნიშნული სისტემის მიხედვით, საქართველოს მთავრობის მიერ აშშ-ში დაქირავებულმა ლობისტურმა ფირმა Chartwell Strategy-იმ ამ სერვისის მიწოდებისთვის ქვეკონტრაქტორის სახით Dorval Strategies, LLC დაიქირავა, რომელიც უშუალოდ საქართველოს მთავრობის ლობიზმზე იმუშავებს.
ხელშეკრულების თანახმად, კონტრაქტი ერთწლიანია და მისი ღირებულება თვეში $10,000 დოლარს შეადგენს. თავად Chartwell Strategy-ისთან არსებული კონტრაქტის თანახმად, ხელშეკრულების მიზანს აშშ-საქართველოს შორის ურთიერთობების დაახლოება და სტრატეგიული კომუნიკაციების მომსახურების გაწევა წარმოადგენს.
bm.ge
კომენტარები