ნიკოლოზ სამხარაძე უკრაინის მთავრობს მიერ საქართველოდან ელჩის გაწვევას გამოეხმაურა. საგარეო ურთიერთობათა კომიტეტის თავმჯდომარის თქმით, საქართველო ძალიან მყარად ვუჭერთ მხარს უკრაინას ყველა საერთაშორისო პლატფორმაზე – გაეროში, ეუთოში, ევროპის საბჭოში.
„პოლიტიკური და დიპლომატიური მხარდაჭერა სახეზეა. ჰუმანიტარულ საკითხებშიც ვუჭერთ მხარს უკრაინას და ამ ფონზე გასაკვირია, როდესაც ასეთი მეგობრული ქვეყნიდან საკონსულტაციოდ იწვევ ელჩს, მაშინ როდესაც უკრაინას ჯერ კიდევ არ გამოუწვევია საკუთარი ელჩი ბელარუსიდან, საიდანაც რუსეთმა შეიყვანა ჯარები. ამიტომ, ამ მხრივ ჩვენთვის გაუგებარია ეს გადაწყვეტილება“, – განაცხადა სამხარაძე.
1-ელ მარტს უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინამ საქართველოდან საკუთარი ელჩი კონსულტაციებისთვის გაიწვია.
კომენტარები