„ნაციონალური მოძრაობის„ წევრი გიორგი ბარამიძე სოციალურ ქსელში წერს:
„კეთილი ადამიანების დახმარებით, დილა პოლონეთი უკრაინის საზღვართან, (პოლონურ დაბა პოდჟამჩეში) ლტოლვილთა თავშესაფარ ჰოსტელში გამითენდა.
ცოტა დრო მაქვს და ამ პოსტს დავწერ.
გუშინ კრაკოვში, მტერთან ბრძოლაში მყოფი ოდესიდან გამოყვანილი, ბავშვები თბილისის რეისზე დავსვი. ვიცი უკვე ჩავიდნენ და ჩემი ანუტა დახვდა.
ერთ საათში დავიძვრები (ისევ კეთილი ადამიანების დახმარებით) და მოვძებნი საუკეთესო გზას უკრაინაში შესასვლელად.
იმედი მაქვს მატარებლით, ავტობუსით ან რამე მანქანით გადავალ.
იქიდან აქეთაა გადმოსვლაზე ჭედვა, თორე უკრაინაში შემსვლელი სამოქალაქო ტრანსპორტი, გასაგები სამწუხარო მიზეზების გამო, პრაქტიკულად ცარიელია.
ბევრი ჩემი ახლობელი ვაჟკაცი მირეკავს და მწერს, უნდათ გაიგონ უკრაინაში როგორ შევიდეო.
აი გავივლი ამ გზას და დავწერ, რომ ყველამ იცოდეს. თუმცა ეს მაინც ინდივიდუალურად, ჩემსავით ალალბედზე სიარულია.
იმ მებრძოლებს ვისაც რუსული აგრესიის მოსაგერიებლად, უკრაინის დასახმარებლად, უკრაინაში შესვლა უნდათ, თუნდაც პოლონეთში,არ უნდა უხდებოდეთ ასეთი არაპროგნოზირებადი გზის გავლა.
ოდნავ ნორმალური საქართველოს მთავრობა, ამაში (პოლონეთისა და უკრაინის მხარეებთან კოორდინაციაში) ორგანიზებულად უნდა აგვარებდეს.
ამ დღეებში ქართულმა და სამწუხაროდ მთელმა საერთაშორისო საზოგადოებამ, კარგად დაინახა რა სამარცხვინო მთავრობაცაა საქართველოში.
არაუშავს, დედამიწაზე ყველა ნორმალური მთავრობის, თუ ადამიანის გულშემატკივრობითა და დახმარებით, გმირ უკრაინელ ხალხთან ერთად მტერთან ბრძოლით, აგრესორი პუტინის რუსეთი აუცილებლად დამარცხდება და საქართველოს მთავრობაში მყოფი მოღალატეებისგანაც გავთავისუფლდებით.
-წერს ბარამიძე. 
კომენტარები