რუსი ოლიგარქები, კერძოდ კი მილიარდერები: მიხაილ ფრიდმანი და ოლეგ დერიპასკა კრემლს განუდგნენ და პუტინს ომის შეწყვეტისკენ მოუწოდებენ.
ინფორმაციას ამის შესახებ სიენენი ავრცელებს
https://edition.cnn.com/2022/02/28/business/oligarchs-russia-ukraine-fridman-deripaska/index.html
ფრიდმანმა, რომელიც აღმოსავლეთ უკრაინაშია დაბადებული, თავის თანამშრომლებს წერილი გაუგზვნა, სადაც წერს: ჩემი მშობლები უკრაინელები არიან და ისინი ჩემს უსაყვარლეს ქალაქ ლვოვში ცხოვრობენ, მეც ბევრი დრო მაქვს გატარებული ამ ულამაზეს ქალაქში. როგორც რუსეთის მოქალაქე, წლების განმავლობაში ვცხოვრობ აქ და არანაკლებ მნიშვნელოვანია ჩემთვის აქაურობა. ამიტომ, მიმაჩნია, რომ ეს ომი ორივე მხარისთვის ტრაგედიაა” – წერს ფრიდმანი.
“ეს ყველაფერი, ადამიანებს სიცოცხლის ფასად უჯდებათ და უდიდეს ზარალს მიაყენებს ორ ქვეყანას, ორი ქვეყნის ხალხს, რომლებსაც ერთმანეთი უყვართ და მეგობრობენ ერთმანეთთან. მე მხოლოდ ის შემიძლია ვთქვა, რომ ვუერთდები მათ მოთხოვნას, ვინც ამ სისხლისღვრის შეწყვეტას ითხოვს” – წერს ფრიდმანი. წერილი პირველად Financial Times – მა გამოაქვეყნა.
ფრიდმანი არის უმსხვილესი “ალფა გრუპის” თავმჯდომარე, კერძო კონგლომერატი, რომელიც ძირითადად რუსეთში მუშაობს. Bloomberg -ის ინდექსის მიხედვით, მისი ქონება 11, 4 მილიარდ დოლარს შეადგენს.
მილიარდელი ასევე არის ალფა ბანკის თავმჯდომარე, რომელიც სიდიდით მეოთხე ფინანსური კომპანიაა რუსეთში. გასულ კვირას ეს ბანკი სანქციების სიაში მოყვა.
ფრიდმანის მოწოდებას მშვიდობაზე მეორე რუსი მილიარდერი ოლეგ დერიპასკა შეუერთდა. ის ცნობილია, როგორც ალუმინის ბიზნესის უმსხვილესი მოთამაშე.
“მშვიდობა ძალიან მნიშვნელოვანია! სასწრაფოდ უნდა დაიწყოს მოლაპარაკებები! – ამის შესახებ დერიპასკა ტელეგრამში წერს. ის ასევე შეეხო ეკონომიკურ სიტუაციას რუსეთში და რუბლის კატასტროფულ ვარდნას, რის გამოც საფონდო ბირჟა ვერ გაიხსნა
კომენტარები